കേരളത്തിൽ ഈദുൽ ഫിത്തർ ആഘോഷിച്ചു; പള്ളികളിൽ ഈദ് നമസ്കാരം നടന്നു

സംസ്ഥാനത്ത് വിശ്വാസികൾ ആവേശപൂർവ്വം ഈദുൽ ഫിത്തർ ആഘോഷിച്ചു. വിവിധ പള്ളികളിലും ഈദ്ഗാഹുകളിലുമായി നടന്ന പ്രത്യേക ഈദ് നമസ്കാരങ്ങളിൽ സ്ത്രീകളും കുട്ടികളും ഉൾപ്പെടെ ആയിരക്കണക്കിന് വിശ്വാസികൾ പങ്കെടുത്തു. ഒരു മാസം നീണ്ടുനിന്ന വ്രതശുദ്ധിയുടെ നിറവിൽ സമാധാനത്തിന്റെയും സാഹോദര്യത്തിന്റെയും സന്ദേശം പങ്കുവെച്ചായിരുന്നു ആഘോഷങ്ങൾ. ലോകസമാധാനത്തിനായുള്ള പ്രത്യേക പ്രാർത്ഥനകളും ഈദ് സംഗമങ്ങളുടെ ഭാഗമായി നടന്നു. ഈദ് ആശംസകൾ നേരാൻ പ്രമുഖ വ്യക്തികളും രാഷ്ട്രീയ നേതാക്കളും വിവിധയിടങ്ങളിൽ എത്തിച്ചേർന്നു.