135 കുടുംബങ്ങൾക്ക് കൈത്താങ്ങായി പട്ടയവിതരണം; ചവറയിൽ മിനി സിവിൽ സ്റ്റേഷൻ മൂന്നാം നിലയുടെ ഉദ്ഘാടനവും നടന്നു

ഭൂമിക്ക് രേഖകളില്ലാതെ ദശാബ്ദങ്ങളായി ബുദ്ധിമുട്ടിയിരുന്ന 135 കുടുംബങ്ങൾക്ക് പട്ടയം വിതരണം ചെയ്ത് സർക്കാർ കരുതലായി. ചവറയിൽ നടന്ന ചടങ്ങിൽ പയ്യലക്കാവ്, ശക്തികുളങ്ങര എന്നിവിടങ്ങളിലെ സുനാമി ഫ്ലാറ്റ് നിവാസികൾക്കും തട്ടാശ്ശേരി പുറമ്പോക്കിലെ താമസക്കാർക്കുമാണ് പട്ടയങ്ങൾ കൈമാറിയത്. റവന്യൂ മന്ത്രി കെ. രാജൻ ഓൺലൈനായി നിർവഹിച്ച ഈ ചടങ്ങിൽ ശങ്കരമംഗലം മിനി സിവിൽ സ്റ്റേഷന്റെ പുതിയ മൂന്നാം നിലയുടെ ഉദ്ഘാടനവും നടന്നു. സുജിത് വിജയൻപിള്ള എം.എൽ.എ അധ്യക്ഷനായ ചടങ്ങിൽ പ്രാദേശിക ജനപ്രതിനിധികളും ഉദ്യോഗസ്ഥരും പങ്കെടുത്തു.